Բրիտանացի գիտնականներն ատամներ են աճեցրել

Հետազոտողների խումբը, պրոֆեսոր Պոլ Շարպի գլխավորությամբ, մշակել է ատամների աճեցման նոր տեխնոլոգիա: Դրա համար գիտնականներն օգտագործել են  ցողունային բջիջներ, որոնք վերցվել են պացիենտից: Հետագայում այդ բջիջներն աճեցվել են լաբորատոր պայմաններում, դրանք անհրաժեշտ ատամի տեսակը դարձնելով, որից հետո բջիջները տեղադրվել են հեռացրած ատամի տեղում` լնդի մեջ: Մի քանի ամիս անց հեռացրած ատամի տեղում նոր ատամ է աճել: Ամբողջ վիրահատությունը կատարվել է տեղային անզգայացմամբ:

Տվյալ մեթոդը փորձարկվել է մկների վրա, սակայն Պոլ Շարպը ոչ մի պատճառ չի գտնում, որը կարող է խանգարել մարդու մատ ատամների աճեցմանը: Եթե տեխնոլոգիայի արդյունավետությունը կլինիկական փորձարկումների ընթացքում հավանության արժանանա, ապա մարդիկ հետագայում արհեստական շապիկներ կրելու անհրաժեշտության չեն ունենա:

Նմանատիպ հայտնագործություն անցյալ տարի արվել է ճապոնացի հետազոտողների կողմից: Նրանք մկների ծնոտի մեջ հաջողությամբ իմպլանտացրել են կենսաինժեներական հյուսվածքներ, որոնցից կրծողների մոտ նոր ատամներ են աճել: Այս տեխնիկան կարելի է օգտագործել տարբեր օրգանների վերականգնման համար:

Հարցեր, պատասխաններ, մեկնաբանություններ